Хаос во Израел: Навивачите дивееја, го запалија теренот, па мечот беше – прекинат (ВИДЕО)

Навивачите во неколку наврати фрлаа пиротехнички средства на теренот, а мета на нападите беше голманот на домаќините, Шареф Кеуф, кој беше погоден со факели. Ситуацијата дополнително се заостри кога судијата досуди пенал за гостите, што предизвика дополнителна тензија. По голот на Дејвид Тургеман, кој славеше пред домашните навивачи, трибините реагираа со фрлање факели и топовски удари, што го прекина натпреварот. Тензиите кулминираа со вербален конфликт меѓу тренерот на Макаби Хаифа, Барак Бахар и ѕвездата на Макаби Тел Авив, Еран Захави, по што првиот беше исклучен.

Нередите продолжија, па дел од навивачите влегоа на теренот, што ја натера полицијата да интервенира и да побара прекин на натпреварот. Според првичните информации, можно е на Макаби Хаифа да му бидат одземени бодови, а се разгледуваат и опции мечот да заврши со службен резултат 0-0 или да продолжи во друг термин.

Макаби Тел Авив моментално е втор на табелата со 41 бод, шест помалку од лидерот Хапоел Бер Шева, но со еден натпревар помалку. Макаби Хаифа е на четвртото место со 37 бодови, два помалку од Беитар Ерусалим, кој има одиграно еден меч повеќе.