Леброн го замолкна Сакраменто, Далас победува и без Дончиќ (ВИДЕО)

22 декември 2024 - 09:05

Леброн Џејмс одигра како во најдобрите денови и го предводеше Лејкерс до гостинска победа кај Сакраменто од 103-99, Далас без Лука Дончиќ убедливо го совлада ЛА Клиперс со 113-97.

Натпреварот беше тесен, но Лејкерс водеше во најголемиот тек на мечот, секогаш кога Сакраменто ќе успееше да дојде до предност, гостите веднаш го враќаа водството и на крајот заслужено триумфираа со 103-99.

Леброн Џејмс беше најдобар на теренот, постигна 32 поени, имаше седум скока и шест асистенции. Во составот на Сакраменто, Фокс реализираше 31 поен.

Далас без Лука Дончиќ лесно го совлада Клиперс. Клучна беше втората четвртина која ја добија со 31-18. Конечниот резултат беше 113-97.

Најефикасен кај Далас беше Гримс кој постигна 20 поени, во составот на Клиперс а и на мечот најмногу поени реализираше Пауел, 28.

Резултати:
Сакраменто - ЛА Лејкерс 99-103
Орландо - Мајами 121-114
Атланта - Мемфис 112-128
Бруклин - Јута 94-105
Чикаго - Бостон 98-123
Кливленд - Филаделфија 126-99
Милвоки - Вашингтон 112-101
Минесота - Голден стејт 103-113
Њу Орлеанс - Њујорк 93-104
Далас - ЛА Клиперс 113-97
Сан Антонио - Портланд 114-94
Феникс - Детроит 125-133