Венеција за првпат по октомври победи во Серија А

22 декември 2024 - 17:31

Екипата на Венеција славеше важна победа во рамките од 17. коло во Серија А против Каљари со резултат 2-1.

Се играше 38. минута кога Венеција стигна до водство преку Зампаоно. На 20-тина минути до крајот преку Марин Шверк домаќините стигнаа и до втор гол.

Каљари успеа да го намали резултатот во 74. минута кога стрелаше Паволето, но за нешто повеќе фудбалерите на овој тим немаа сили.

За Венеција ова е само трета победа во сезоната, исто толку има и Каљари, но со бод повеќе. Исто така за тимот на Венеција ова беше прв триумф уште од 30 октомври кога славеа над Удинезе.