Реал Мадрид победи против Севиља и ја прескокна Барселона (ВИДЕО)

22 декември 2024 - 18:12

Реал Мадрид во ефикасен натпревар славеше победа над Севиља од 4-2 во рамките од 18. коло во Ла Лига и така ја прескокна Барселона на втората позиција.

Прашањето на победникот беше брзо решено бидејќи „кралевите“ по нешто повеќе од половина час игра имаа водство од 3-0. Резултатот беше отворен со голот на Мбапе по 10 минути, Валверде зголеми на 2-0 во 20-тата, додека Родриго се погрижи за 3-0.

Севиља една минута по третиот гол на Реал Мадрид преку Ромеро намали на 3-1.

Избраниците на Карло Анчелоти на самиот старт во второто полувреме по осум минути игра со голот на Диаз дојдоа и до 4-1. Конечните 4-2 ги постави Лукебакио во 86. минута.

На табелата по ова 18. коло лидер е Атлетико Мадрид со 41 бода, следи Реал Мадрид со 40, па Барселона со 38. Каталонците имаат и натпревар повеќе од ривалите од Мадрид.