Унгарија ја надигра Франција во борбата за трето место на ЕП

15 декември 2024 - 16:49

Ракометарките на Унгарија по голема драма триумфираа против Франција со 25-24 во борбата за пласман на третото место на Европското првенство (ЕП).

Првите минути ги одбележа неизвесна игра и неколку пресврти на двете страни, по што Унгарија влезе во мини-серија за предност од 10-7, но Французинките до крајот на полувремето намалија на еден гол негатива (12-13).

Во второто полувреме Франција постојано бркаше негатива и конечно направи пресврт (22-21) во финишот, но Унгарија го возврати ударот и на крајот триумфира со 25-24.

Најдобра во победничката екипа беше Катрин Гита Клујбер со девет голови, додека по четири за Франција запишаа Фопа и Зади Деуна.