Комо ја шокира Рома и ја остави на само два бода од зоната за испаѓање (ВИДЕО)

И покрај тоа што беше фаворит, „волчицата“ одигра катастрофален меч и во најголем дел од мечот беше во подредена позиција. За 90 минути упати само еден директен удар кон противничкиот гол, но сепак до крајот на основните 90 минути барем не му дозволи на Комо да постигне погодок.

Се беше решено во судиското продолжение, а во главна улога беше Габриелони. Во 93. минута тој го донесе Комо во водство од 1-0, а конечниот резултат го постави Паз на асистенција на Габриелони.

По оваа победа Комо излезе од опасната зона, а ја остави Рома на само два бода од 18-пласираниот Каљари по 16 одиграни кола.