Роналдо прослави пенал јубилеј и со два гола донесе победа за Ал Наср (ВИДЕО)

29 ноември 2024 - 18:18

Кристијано Роналдо продолжи со добрите настапи во Саудиска Арабија и денеска со нови два гола донесе триумф од 2-0 за Ал Наср во натпреварот против Дамак.

Првиот гол Роналдо го постигна во 17. минута со удар од белата точка и тоа за него беше 200. пенал кој го изведе во кариерата. Од тие 200 пенали Роналдо реализираше 169.

Вториот гол на натпреварот Роналдо го постигна во второто полувреме и така само ја потврди победата за својот тим.

На табелата Ал Нср има 25 бода на третата позиција, пет помалку од лидерот Ал Итихад (30) и три од Ал Хилал (28). Но, треба да се каже и дека ривалите на тимот на Роналдо имаат и натпревар помалку.