Новата сезона почнува со стил – со македонското „Ел Класико“ на Градски!

Актуелниот шампион Шкендија ќе го пречека големиот ривал Шкупи, додека Скопје ќе биде домаќин на македонското „Ел Класико“ помеѓу Вардар и Пелистер. На отворањето на сезоната ќе се одиграат уште четири натпревари - Тиквеш ќе го пречека Работнички, Башкими ќе дебитира против Арсими, Струга ќе се соочи со Македонија ЃП, а Силекс ќе игра против Брера.

Претстојната сезона ќе биде посебно возбудлива бидејќи е последна со формат од 12 екипи. Од следната натпреварувачка година, лигата ќе се намали на 10 учесници, што ќе донесе дополнителна конкурентност во борбата за опстанок. Во оваа сезона ќе настапат седум поранешни шампиони, додека Арсими ќе дебитира во највисокото ниво на македонскиот фудбал.