Помошникот на селекторот Илиевски е нов тренер на Пелистер!

Во соопштението Пелистер истакнува дека биле разгледувани неколку опции, но на крајот раководството одлучило довербата да се даде на Илиевски.

Илиевски работеше како помошник во репрезентацијата и во времето кога селекцијата ја предводеше Јорданчо Давитков.

Преземањето на Пелистер за него е враќање во битолскиот клуб каде што една сезона (2006/2007) помина и како кошаркар по што започна тренерска кариера, прво во Вардар, па потоа и на клупата на Карпош Соколи. Зад себе има искуство и во странство како дел од стручниот штаб на Емил Рајковиќ во Астана. Последниот ангажман на клупски план го имаше во Кожуф.