Калиниќ доби жестока суспензија, Црвена Звезда реагираше бурно кон АБА!

28 мај 2025 - 16:41

АБА-лигата ги објави казните за инцидентот во Подгорица, каде што навивачите на Будуќност фрлаа предмети на паркетот, а кошаркарот на Црвена Звезда, Никола Калиниќ им возврати и поради доби жестока суспензија.

Црвена Звезда реагираше на потегот на АБА-лигата да го суспендира Калиниќ на три натпревари.

„Оваа одлука ја покажува намерата на Хрвоје Видан, но и цела лига, дека Ц. Звезда треба да биде елиминирана од рамноправна борба за трофеј бидејќи таа не е донесена со цел да се дисциплинира кошаркарот кој направил прекршок, туку да се нанесе спортска штета на еден од учесниците во полуфиналето на АБА. Ова е отворен линч и директна саботажа на Звезда“, реагираат од српскиот тим.

Казна имаше и за Будуќност, кој мора да плати 40.000 евра, а следниот домашен натпревар ќе треба да затвори половина од трибините.