Таткото на Јокиќ: Мојот буцко е среќен кога е во штала со своите коњи

Бранислав Јокиќ гостуваше во „24сата“ каде што раскажа досега непознати детали за еден од најдобрите кошаркари во НБА-лигата, Никола Јокиќ кој е на добар пат заедно со Денвер нагетс да го освои првиот шампионски прстен во кариерата.

Интервјуто на „24сата“ беше објавено пред неколку дена, а Бранислав откри дека Никола е најсреќен кога е со шталата заедно со неговите коњи.

Јокиќ е голем љубител на коњите и има своја штала во Сомбор, каде што лани го прими трофејот за најдобар играч во најсилната кошаркарска лига.

„Никогаш не сакаше да јаде боранија и домати, а сега таму јаде брокули и некои други работи. Никола не отиде еден, туку пет чекори напред. По последниот меч против Феникс, Никола замина во теретана и шутираше уште 100 пати“, вели таткото на Јокиќ.

Бранислав откри дека Никола двапати си резервирал билет за Сомбор затоа што мислел дека ќе испадне од НБА-лигата.

„Двапати резервираше билет за Сомбор затоа што мислеше дека ќе испадне. Јас му реков, чекај буцко до крај, тоа ќе биде најдобро“, открива Бранислав.