Јувентус со 50 милиони евра ќе го решава проблемот на голманската позиција?

„Старата дама“ летово имаше ограничен буџет, па го доведе Викарио на позајмица од Тотнем. Во клубот го посакуваа и Мартинез, кој тогаш бранеше за Астон вила, но тој трансфер се искомплицира.

Потоа го ангажираа Камил Грабара, но проблемите продолжија откако голманот по настапот против НЕЦ во Лига Европа се повреди и долго време нема да го гледаме на терените. И тој пристигна на позајмица, од Волфсбург, па останува неизвесно дали Јувентус ќе ја активира откупната клаузула на крајот од сезоната.

Поради тоа, Јувентус бара голман кој би бил долгорочно решение, а изборот наводно паднал на актуелниот чувар на мрежата на Аталанта, Марко Карнезеки.

Јувентус сака да ја искористи ситуацијата што Карнезеки има договор до 2028 година, а преговорите за продолжување на соработката сè уште не започнале. Според одредени информации од италијанските медиуми, цената на трансферот во летото 2027 година би можела да изнесува околу 50 милиони евра.