И Јокиќ знаел да се изнервира: Реткост е да се види во вакво издание (ВИДЕО)

11 ноември 2024 - 08:57

Навикнавме Никола Јокиќ да го гледаме во едно опуштено издание како на теренот, така и надвор од него, но сега српскиот кошаркар покажа дека и тој знае на момент да ги загуби нервите.

Денвер славеше во натпреварот против Далас изминатата вечер со 122-120,  но до победата дојде во една неизвесна завршница во која Јокиќ при еден тајм-аут во последната четвртина нервозно се обидуваше на своите соиграчи да им објасни што треба да направат.

Навистина е реткост да се види српскиот ас во едно вакво издание. Јокиќ на крајот средбата ја заврши со четвртиот трип-дабл во низа со 37 поени, 18 скокови и 15 асистенции.