Јокиќ со страшен трипл-дабл ги „расплака“ Далас и Дончиќ (ВИДЕО)

Доминираше Никола Јокиќ повторно на теренот и продолжи да запишува неверојатни бројки. Јокиќ одигра фантастичен натпревар во кој повторно беше најдобар во својата екипа.

Српскиот центар натпреварот го заврши уште еден трипл-дабл, четврти во низа. Уфрли Јокиќ 37 поени и додаде уште 18 скока и 15 асистенции со шут од игра 13/21. Далеку зад Србинот беше Џамал Мареј со 18 поени, Портер Жуниор додаде поен помалку, а Пејтон Вотсон го заврши натпреварот со 16.За Далас не помогнаа ниту 43 поени на Ирвинг, а Дончиќ дојде на чекор од трипл-дабл со 24 поени, девет скокови и исто толку асистенции.

Кога во прашање е натпреварот, победникот беше одлучен во последната минута. Денвер влезе со заостанување од два поени, но Јокиќ на 48 секунди до крајот донесе израмнување. Ирвинг беше запрен во наредниот напад, а Мајкл Портер Жуниор погоди шут за два поени и го врати Денвер во предност.

Се обиде Ирвинг со тројка да донесе победа, но промаши за потоа непрецизен од офанзивен скок да биде и Даниел Гафорд, така Денвер дојде до петтиот триумф во нзиа.

НБА РЕЗУЛТАТИ:
Орландо - Вашингтон 121:94
Минесота - Мајами 94:95
Оклахома - Голден Стејт 116:127
Филаделфија - Шарлот 107:105
Денвер - Далас 122:120
Феникс - Сакраменто 118:127
Портланд - Мемфис 89:134
ЛА Лејкерс - Торонто - 123:103