Јокиќ и Денвер со луда серија во финишот го победија Голден стејт! (ВИДЕО)

04 декември 2024 - 08:22

Никола Јокиќ со уште една моќна партија го предводеше Денвер до триумф над Голден стејт од 119-115, одличен беше и Лука Дончиќ кој со Далас ја продолжи серијата победи откако го совладаа Мемфис со 121-116.

Денвер и Голден стејт одиграа исклучително неизвесен натпревар, двете екипи се менуваа во водство, на крајот победија домаќините со фантастична завршница на мечот.

Во финишот Денвер направи неверојатна серија од 12-0 со која го доби мечот. Беше 107-115 за Голден стејт кога Јокиќ и соиграчите се кренаа, го свртеа резултатот и дојдоа до победа од 119-115.

Јокиќ мечот го заврши со 38 поени, имаше 10 скокови и шест асистенции, најдобар кај Голден стејт беше Кари со 24 поени, имаше и 11 асистенции и седум скокови.

Лука Дончиќ игра одлично откако се врати на теренот по повредата. Ноќеска со 37 поени и 12 скокови го предводеше Далас до триумф над Мемфис од 121-116. Во составот на Мемфис Џа Морант постигна 31 поен.

Резултати:
Шарлот - Филаделфија 104-110
Кливленд - Вашингтон 118-87
Детроит - Милвоки 107-128
Њујорк - Орландо 121-106
Торонто - Индијана 122-111
Оклахома - Јута 133-106
Далас - Мемфис 121-116
Феникс - Сан Антонио 104-93
Денвер - Голден стејт 119-115
Сакраменто - Хјустон 120-111
ЛА Клиперс - Портланд 127-105