Дончиќ ги изненади соиграчите со уникатни и скапи подароци за Божиќ! (ВИДЕО)

26 декември 2024 - 10:28

Главната ѕвезда на Далас Маверикс, Лука Дончиќ и оваа година им даде подароци за Божиќ на соиграчите, минатата година добија е-тротинети, а сега картинг колички.

Подароците беа поделени пред мечот со Минесота, кошаркарите на Далас ги пробаа, свртеа по некое крукче низ ходниците на салата.

Според американските медиуми, една ваква картинг количка чини 2.000 долари, па Дончиќ го одврзал ќесето за да ги почасти соиграчите. Сепак колку и да е голема сумата, тој нема да ја почувствува со оглед на неговите огромни примања.