Работнички се засили со плејмејкер кој доаѓа од Косово!

22 февруари 2023 - 16:11

Елиминацијата во четвртфиналето на македонскиот Куп предизвика промени во најтрофејниот македонски клуб Работнички, кој се засили со Ајзеа Умипиг од косовскиот прволигаш Пеќ.

Американецот Умипиг утре ќе му се приклучи на скопскиот кошаркарски гигант и ќе му се стави на располагање на тренерот Димитар Мираковски.

Умипиг доаѓа во македонскиот тим како замена за Пол Џексон, кој претходно ги напушти „центарци“ откако не ги оправда очекувањата на раководството, а притоа покажал и недисциплината во изминатиот период.

Работнички игра лошо оваа сезона и во домашниот шампионат, па така по 15 одиграни кола се наоѓа на седмата позиција со осум победи и седум порази.