Брера се засили со офанзивен фудбалер од Мали

Струмичкиот тим објави новото засилување кое е поранешен младински репрезентативец на Мали.

„Нашиот прв тим доби засилување на десната крилна позиција. Станува збор за 24 годишниот Хаџи Драме кој доаѓа од Мали - Африка но последните неколку години својата кариера ја гради во европски фудбалски клубови. Драме беше дел од младинските селекциите на Мали до 19 и 20 години.  
Тој во Европа доаѓа во натпреварувачката 2019/2020 во естонскиот Паиде од каде се преселува во грузискиот Дила Гори. Во нашиот тим доаѓа од ерменскиот тим Вест Ерменија каде во есенскиот дел имаше 17 настапи со две асистенции и два гола“, стои во соопштението на Брера.