![](https://sport1.mk/files/styles/article/public/article/2024/07/02/230193-uefa-nemilosrdna-kon-balkancite-gi-kazni-so-650000-evra-za-grevovite-na-ep.jpg?itok=K8naKbCA)
УЕФА немилосрдна кон Балканците – ги казни со 650.000 евра за гревовите на ЕП!
Најмногу на удар беа репрезентациите од Балканскиот полуостров, на кои отпаднаа дури половина од овие санкции, а сите поради однесувањето на нивните навивачи. Најголем удар по касата доби Хрватска, која поради гревовите на своите фанови ќе мора да плати 221.000 евра, а веднаш зад неа се Србија и Албанија, кои се казнети со 171.000 односно 166.500 евра. На четврто место е Турција, која поради испадите на навивачите е санкционирана со 95.000 евра.
Само три од вкупно 24 репрезентации кои настапуваат на ЕП не добија казна од УЕФА по средбите од групната фаза и тоа Франција, Шпанија и Словачка. Единствени што се казнети за нешто друго освен за проблемите со навивачите се Германците, кои мора да платат 23.000 евра поради пропустите во организацијата како домаќини.