Првпат постигна гол во ЛШ во истиот месец и за ист клуб како неговиот татко – 25 години подоцна!

19 септември 2025 - 07:20

Иако ПСВ средата доживеа неочекуван пораз од белгиски Ројал Унион со 1-3 во натпревар од Лигата на шампионите, овој натпревар ќе го памети 21-годишниот Рубен ван Бомел.

Талентираниот офанзивец, син на поранешниот репрезентативец и легенда на холандскиот фудбал Марк ван Бомел, го постигна единствениот погодок за својот тим во финишот од средбата и тоа беше негов прв во елитното европско натпреварување.

Интересно е што токму во истиот месец (септември) пред 25 години неговиот татко, Марк, за првпат постигна гол во европската елита и тоа за истиот клуб, ПСВ.  

Рубен, кој во кариерата досега играше и за АЗ Алкмар и Мастрихт, сега тргна по стапките на својот татко, кој кариерата ја заврши токму во ПСВ во 2013 година.

Фото: PSV/X