Бешикташ на дебито на Солшер го прегази Атлетик Билбао (ВИДЕО)

22 јануари 2025 - 18:29

Oле Гунар Солшер имаше одлично деби на клупата на Бешикташ и со убедливи 4-1 славеше над Атлетик Билбао за кого ова беше прв пораз во Европа сезонава.

Победата на турскиот клуб ја најави Рашица во 17. минута и предноста на домаќините беше актуелна се до завршницата од првиот дел кога Гомез погоди за израмнување.

Во второто полувреме Бешикташ прикажа подобра игра и постигна три гола со кои дојде до победата. На истекот на еден час игра Рашица постигна и втор гол, додека за 3-1 се погрижи Рафа Силва во 77. минута.

Конечните 4-1 беа поставени од Жоао Марио кој реализираше најстрога казна во втората минута од судиското продолжение.

За Бешикташ ова беше само трет триумф во Лигата на Европа во седум кола, додека Билбао до денес беше без пораз и се наоѓа на втората позиција зад Лацио.