Лајпциг конечно победи во ЛШ, Елмас од клупа го следеше мечот! (ВИДЕО)

22 јануари 2025 - 20:41

Во седмото коло Лајпциг ги освои првите бодови во Лигата на шампионите оваа сезона откако го совлада Спортинг со 2-1, во овој термин се одигра и мечот меѓу Шахтар и Брест кој го доби украинскиот тим со 2-0.

Елиф Елмас беше на клупата на мечот меѓу Лајпциг и Спортинг, но не доби шанса да влезе во игра.

Резултатот го отвори Шешко по 19 минути игра. Германците се израдуваа на гол и во 32. минута, но погодокот на Раум беше поништен поради офсајд.

Во 75. минута Ѓекереш го изедначи резултатот на 1-1, но само три минути подоцна Поулсен даде гол за предност на Лајпциг од 2-1 што беше и конечен резултат.

Шахтар со головите на Кевин и Судаков во првото полувреме го победи Брест со 2-0.