Анчелоти не наседнува на триковите на Гвардиола: Знам дека не мисли така!

Анчелоти кажа дека ќе разговара со Гвардиола пред дербито на „Сантијаго Бернабеу“, каде што „кралевите“ ќе се обидат да го зачуваат водството од еден гол (3-2) од првиот меч и да се пласираат во следното коло.

„Знам дека не мисли така. Ќе му поставам едно прашање пред дербито – дали навистина мисли дека имаат само еден отсто шанса за победа? Всушност, мисли дека имаат поголеми шанси, а тоа е нормално. Ние не мислиме дека имаме 99 проценти шанса за пласман во осминафинале, но сметаме дека имаме мала предност и мора да ја искористиме“, кажа Анчелоти.