Жоао Кансело во Баерн не го добива тоа за кое си отиде од Манчестер Сити

05 март 2023 - 14:59

Жоао Кансело одлично почна во Баерн Минхен, но во изминатите два натпревари е на клупата за резерви, на последниот воопшто и не настапи.

Кансело од Манчестер Сити си замина затоа што Пеп Гвардиола почна да го става на клупата. Тренерот на Сити јавно кажа дека Португалецот е фудбалер кој сака да игра на секој натпревар и поради тоа бил нарушен нивниот однос.

Но, слично почнува да му се случува и во Баерн Минхен. Кансело синоќа остана на клупата во текот на целиот меч против Штутгарт, а претходно против Унион Берлин играше само 12 минути.

„Жоао добро се справува со ситуацијата. Немам импресија дека е незадоволен. Станишиќ е малку подефанзивен, и тоа е причината поради која играше пред Канесело“, објасни тренерот Нагелсман.

Се верува дека сепак на Канесло не му било сеедно што на последните два меча од Бундеслигата беше на клупата.