Вини Џонс: Го мразам ВАР, би го укинал веднаш!

11 декември 2024 - 16:23

Eден од најлегендарните британски фудбалери на сите времиња, Вини Џонс не е фан на денешната технологија во фудбалот и порача дека кога тој би се прашувал, веднаш би ја укинал.

Во кариерата Џонс го носеше дресот на: Вимблдон, Челси, Лидс, Шефилд и Квинс Парк Ренџерс и стекна епитет на еден од најгрубите фудбалери кои некогаш се појавиле.

„Го мразам ВАР, би го укинал веднаш. И онака нема многу голови во фудбалот, сакам да има повеќе. За мене не е офсајд ако си еден милиметар пред одбранбениот играч, тоа не менува ништо во играта“, изјави Џонс.

Зборуваше и за фудбалерите кои се обидуваат да глумат.

„Сите кои непотребно се валкаат на теренот би ги казнувал. Би им давал црвени картони, а не само опомени како денешните судии“, објасни легендата на британскиот фудбал.