Манчестер јунајтед не победи, но одигра одлично во дербито на „Енфилд“ (ВИДЕО)

05 јануари 2025 - 19:27

Екипите на Ливерпул и Манчестер јунајтед одиграа возбудливо и интересно дерби на „Енфилд“ во кое на крајот немаше победник (2-2), а ако се собере се што се случуваше на теренот тоа е веројатно е и реален исход.

Во првото полувреме гледавме мирна игра и двете екипи упатија само по еден удар во рамките од голот, па така мируваа. 
Различна беше сликата во вторите 45 минути кога се постигнаа сите четири погодоци.

Манчестер јунајтед прв стигна до предност во 52. минута кога мрежата на домаќините ја погоди Мартинез по асистенцијата на Фернандеш. Ливерпул брзо се врати, само седум минути подоцна Коди Гакпо по еден одличен дриблинг мајсторски ја смести топката во мрежата за 1-1.

Успеа Ливерпул да направи и целосен пресврт по пеналот кој го направи со игра со рака Матијас Де Лихт. Сигурен реализатор на најстрогата казна беше Мохамед Салах. Избраниците на Рубен Аморим не се откажаа и на десетина минути пред крајот нововлезениот Гарначо му асистираше на Диало за 2-2.

Во последните моменти од натпреварот Хари Мегваер се најде во идеална позиција, но за жал на навивачите на Манчестер јунајтед не успеа да ја погоди мрежата за гол со кој веројатно ќе донесеше победа на својот тим.

На табелатап о ова реми Ливерпул (46) има шест бода повеќе од Арсенал, но и натпревар помалку, додека Манчестер јунајтед е во долниот дел на 13. место со само 23 бода по 20 кола.