Родриго сите веќе го преселија од Мадрид, сега за првпат се огласи (ФОТО)

14 мај 2025 - 16:13

По сезоната без поголеми трофеи, во Реал Мадрид веќе се подготвува голема реконструкција, Алонсо пристигнува на клупата, но се најавуваат и сериозни промени во играчкиот кадар.

Во таа насока, деновиве во шпанските медиуми се појавија информации дека бразилскиот офанзивец Родриго би можел да го напушти клубот.

Според шпекулациите, 23-годишниот фудбалер наводно не бил задоволен од својот статус во тимот, а како главен кандидат за негов ангажман се споменуваше Арсенал, но спорред реакцијата на самиот фудбалер на социјалните мрежи од тоа нема да има ништо.

„Ви благодарам за сите пораки и грижа. Брзо ќе се вратам. Престанете да измислувате“, напиша Родриго.

Со оваа кратка, но јасна порака, Бразилецот стави точка на шпекулациите, барем за сега, а мадридските навивачи можат да здивнат додека ги чекаат следните потези на клубот во летниот трансфер период.