Михтарјан ги загуби нервите и тргна да се пресмета со тренерот на Флуминенсе (ВИДЕО)

30 јуни 2025 - 22:32

Голема фудбалска битка беше забележана во првото полувреме меѓу Интер и Флуминенсе во осминафиналето на Светското клупско првенство, а во судиското надополнување Хенрик Михтарјан се судри со тренерот на бразилскиот клуб, Ренато Гаучо.

Гаучо сакаше да ги спречи ривалите во обидот брзо да изведат аут, па поради тоа ја шутна топката по која дојде Михтарјан, а тоа го изнервира фудбалерот на Интер.

Михтарјан поради тоа реши да се судри со тренерот на Флуминенсе, но набрзо се повлече со цел да избегне казна од судијата.