Лани сите го критикуваа, сега блеска - најдобар е во новиот клуб!

28 октомври 2025 - 17:35

По тешкиот период во Манчестер Јунајтед, Камерунецот, Андре Онана се препороди во Турција на голот на Трабзонспор.

За време на периодот во Англија, Онана се стекна со епитет на „киксер“, меѓутоа сезонава е еден од најдобрите голмани во турската Суперлига. Посебно блескаше во поледниот натпревар против Ејупспор каде што запиша четири клучни одбрани, а освен тоа имаше и 86% успешност во додаваањата.

Воодушевени од него се и луѓето во клубот од каде што објавија фотографија на социјалните мрежи, нарекувајќи го „ѕид“.

Без разлика што сега стигнуваат само пофалби на негова сметка, Онана останува скромен.

„За мене е најважно да помогнам на тимот. Ако морам да играм со топка, прво анализирам. Следам како противниците се движат, а потоа ја избирам одлуката која сметам дека е најдобра“, одговори Онана на пофалбите.

Во досегашниот дел од сезоната Онана одигра шест натпревари, а Трабзонспор со него е второпласиран тим во првенството. Просечната негова оценка за настапите е 7.57 што го прави најдобро оценет играч во клубот.

Фото: Trabzonspor