Комедија во Бразил: Клуб се збогуваше со свој фудбалер со негови киксови! (ВИДЕО)

13 јули 2026 - 22:18

Бразилскиот дефанзивец Лео Коел се најде во центарот на вниманието откако неговиот клуб Амазонас се збогуваше од него со снимки од негови грешки на теренот.

Амазонас, покрај официјалното соопштение за прекин на соработката објавено на социјалните мрежи додаде и видео-компилација со четири грешки на Коел од минатата сезона кои директно довеле до примени голови. 

Објавата дојде само два дена откако 33-годишниот стопер го тужеше клубот пред барајќи раскин на договорот и исплата на долгот.

Лео Коел ја поднел тужбата на 10 јули, во која бара раскин на договорот и исплата на 8,1 милиони бразилски реали, сума која изнесува нешто помалку од 1,4 милиони евра.

Во тужбата се наведува дека клубот му должи пет месечни плати, како и дека од потпишувањето на договорот не биле уплаќани придонеси во бразилскиот фонд за отпремнини на вработени.

Дефанзивецот тврди дека клубот не ги исполнувал ниту другите обврски, меѓу кои и оние поврзани со правата за користење на неговиот лик. Поради тоа, побарал привремена судска мерка со која веднаш би станал слободен играч за да пронајде нов ангажман.