Избран најлошиот тим на ЕП: Роналдо, Лукаку и Влаховиќ во нападот (ФОТО)

13 јули 2024 - 20:45

Шпанската „Марка“ го објави најлошиот тим на Европското првенство. Новинарите на шпанскиот весник составија тим од фудбалери кои најмногу потфрлија во однос на она што од нив се очекуваше пред почетокот на првенството.

Во овој тим по двајца претставници имаат Србија и Италија, а додека по еден фудбалер имаат репрезентациите на: Португалија, Белгија, Унгарија, Шкотска, Украина, Данска и Хрватска.

Секако, најголемата ѕвезда е Кристијано Роналдо кој како втор највозрасен на турнирот во дресот на Португалија не постигна подогок од 23 удари кон противничкиот гол и запиша само една асистенција.