Гвардиола не запира: Сака три засилувања од Серија А

24 јануари 2025 - 12:35

 

Во последното коло од Лигата на шампионите на 29 јануари, Манчестер сити ќе игра против Клуб Бриж кој е 20-ти на табелата со 11 бодови, додека „граѓаните“ се 25-ти со осум бода и ако сакаат место во плеј-офот за пласман во осминафиналето мораат да победат.

Исто так тимот е петтопласиран и во Премиер лигата, па во таква ситуација очекувано е „граѓаните“ да бидат активни во јануарскиот преоден рок. Веќе обезбедија три засилувања, двајца стопери и еден напаѓач, но немаат намера тука да застанат.

Голема желба на Гвардиола е Андреа Камбијасо од Јувентус. „Старата дама“ не сака да го пушти 24-годишниот фудбалер ако не дојде понуда која тешко се одбива. Камбијасо може да игра како коректор во средниот или на левата страна офанзивно. Во Јувентус пристигна во 2022 година од Џенова за 13 милиони евра.

Гвардиола исто така да го подмлади средниот ред во кој се Илкај Гундоган, Кевин Де Брујн и Бернардо Силва. И за тука шпанскиот стратег има мета од Јувентус и тоа Даглас

Луиз кој има искуство во Премиер лигата настапуајќи за Астон Вила. Јувентус за него плати 51 милион евра, но во Торино не се снајде најдобро. 

Како последна желба во средниот ред медиумите го наведуваат Едерсон од Аталанта кој во овој тим игра од 2022 година кога клубот од Бергамо плати 23 милиони на Салернитана.