Германија победи, но Американците дадоа страшен гол! (ВИДЕО)

06 јуни 2026 - 22:34

Денеска се играат повеќе подготвителни натпревари за Светското првенство, а еден од оние кои привлекуваат внимание беше дуелот меѓу САД и Германија кој го добија Германците со 2-1.

Ова беше генералка за Светското првенство за двете репрезентации, последен меч пред нивниот настап на Мундијалот.

Натпреварот почна во знакот на Хаверц, исто како и во финалето од Лигата на шампионите, Германецот и денеска погоди во втората минута, овојпат за водство на Германија од 1-0.

Во 37. минута Робинсон постигна еден неверојатен гол од далечина, топката му легна, а тој со силен шут ја смести во мрежата на Бауман.

Хаверц беше важен и за вториот гол на Германија. Во 57. минута тој ја имаше улогата на асистент до Сане кој погоди за 2-1, што на крајот се покажа и како конечен резултат.