Бразилците бараат најстрога казна за Престијани

Во писмото потпишано од претседателот Самир Шауд, сојузот очекува двете организации темелно да го истражат инцидентот и да преземат конкретни мерки за идентификување и казнување на одговорните за расистичките навреди.

ЦБФ ѝ се заблагодари на ФИФА за јавниот гест на солидарност што го покажа претседателот Џани Инфантино, како и за измените во членовите 15 и 30 од дисциплинскиот кодекс, кои предвидуваат нови механизми за борба против дискриминацијата и нејзино искоренување од фудбалот.

Во обраќањето до УЕФА, бразилската федерација нагласи дека европската куќа на фудбалот со години важи за лидер во борбата против расизмот и дискриминацијата, со политики насочени кон превенција и строго казнување на ваквото однесување.

Воедно беше посочен и членот 2 од Статутот на УЕФА, кој утврдува дека една од нејзините цели е промоција на фудбал без каква било форма на дискриминација, како и членот 7, кој обврзува на спроведување ефективни мерки за спречување нови расни прекршоци преку превентивни политики и ригорозни санкции.