Ал Наср станува португалска колонија - доаѓа и Бруно Фернандеш

По завршувањето на минатата сезона тој ја одби понудата од овој клуб и објави дека нема намера уште да оди во Саудиска Арабија, но во меѓувреме работите малку се сменија. Прво, Јунајтед не се засили соодветно во летниот преоден рок и е јасно дека повторно нема да биде во конкуренција за трофеите во Англија, а второ, Ал Наср направи неколку потези кои би можеле да го премислат.

На клупата на овој тим дојде славниот португалски стручњак Жорж Жезус со кого Бруно соработуваше во Спортинг, а се пресели и соиграчот од репрезентацијата Жоао Феликс. Бруно би можел да биде четврти Португалец во тимот што би му ја направило средината, а и процесот на аклиматизација многу поинтересен.

Ал Наср неодамна му понуди 70 милиони евра по сезона, можеби сега ќе оди и над таа сума, а и Манчестер Јунајтед добро ќе заработи, барем 120 милиони евра. „А Бола“ тврди дека првите контакти се веќе направени, претставници на клубот имале разговор со Бруно и неговите претставници и може да се очекува преговорите да продолжат и во следниот период.