Уште еден Македонец во БиХ: Поранешен голман на Вардар и Шкупи потпиша за Посушје!

02 септември 2025 - 12:46

Македонецот Давид Денковски, ќе ја продолжи кариерата во Босна и Херцеговина, потпишувајќи едногодишен договор со премиерлигашот Посушје, со опција за продолжување на соработката и за уште една сезона.

Станува збор за 26-годишниот чувар на мрежата, кој има големо искуство бранејќи за македонските клубови како Вардар, Брера, Пехчево, Брегланица Штип и Шкупи.

Денковски се очекува веднаш да се приклучи на тренинзите на новиот клуб и да биде дел од подготовките за следните натпревари во босанската Премиер-лига.