Фермин првпат проговори за можностите за трансфер: Барса секогаш ми беше приоритет

Играчот од средниот ред го направи тоа во интервју за „Мундо Депортиво“, во кое тврди дека негов приоритет отсекогаш бил да остане во Барселона и да го носи дресот на Блауграна.

„Мојот приоритет отсекогаш беше да бидам во Барса. Пристигнав кога имав 12 години, мојот сон беше да останам тука, да заиграм во првиот тим. Секогаш е комплимент кога има интерес од други клубови, но вистината е дека отсекогаш имав идеја да останам во Барса и да можам да успеам тука. Многу е важно, бидејќи отсекогаш се борев да бидам тука, да играм за Барса. Знаете, во фудбалот никогаш не се знае и има работи што не зависат од нас, но мојот приоритет отсекогаш бил Барса“, рече Фермин.

Тој одлучи да остане и покрај силната конкуренција во средниот ред каде се уште Олмо, Педри, Гави, Де Јонг итн.