Винисиус доби црвен картон поради напад врз Димитриевски! (ВИДЕО)

Во првото полувреме му одбрани зицер на Винисиус, во второто остана несовладан од пенал откако Белингам ја погоди стативата од белата точка, а на десетина минути пред крајот предизвика исклучување за Винисиус. При една ситуација пред голот на Димитриевски, нашиот голман упати провокација до Бразилецот, овој стана и го удри по главата, а Столе падна како покосен.

Се создаде мешаница по која главниот судија Сото Градо им додели по жолт картон на Димитриевски и Чуамени, но откако ја прегледа снимката, го исклучи Винисиус, па во финишот Реал е со фудбалер помалку.