Татко против син во полуфиналето од Суперкупот на Италија

03 јануари 2025 - 10:28

Новиот тренер на Милан, Серџо Консеисасо денеска ќе дебитира на клупата на росонерите, а судбината сакаше тоа да биде против неговиот син Франциско Консеисао кој игра за Јувентус.

Интер вчера ја победи Аталанта и се пласираше во финалето од Суперкупот на Италија кој се игра во Ријад, Саудиска Арабија. Денеска на програмата е вториот полуфинален дуел, а се среќаваат Милан и Јувентус.

Овој двобој ќе биде интересен и од еден поинаков аспект. На клупата на росонерите дебитира Серџо Консеисасо, а од другата страна ќе биде неговиот син Франциско Консеисасо.

Франциско игра во голема форма и на последните натпревари на Јувентус е еден од најдобрите во тимот. 

Мечот меѓу Милан и Јувентус почнува од 20 часот.