Флик: Олмо сака да игра само за Барселона

05 јануари 2025 - 07:20

Фудбалерите на Барселона се изборија за пласман во осминафиналето на шпанскиот куп откако очекувано со 4:0 славеа победа над екипата на Барбастро.

Херој на победата на каталонскиот гигант беше Пабло Торе кој постигна еден гол и асистираше за двата на Роберт Левандовски, преостанатиот беше дело на Ерик Гарсија.

По натпреварот новинарите на прес-конференцијата очекувано ги интересираше и мислењето на Флик за ситуацијата на Дани Олмо и Пау Виктор.

„Убеден сум дека клубот ќе го реши прашањето со нивната регистрација. Зборував утрово со Дани и него го интересира само Барселона. Ќе ги чекаме“, изјави Флик.

Ќе потсетиме, Ла Лига и Фудбалскиот сојуз на Шпанија во текот на вчерашниот ден го одби барањето на Барселона за регистрација на Олмо и сега Лапорта мора да бара ново решение.