Солшер му се нуди на Јунајтед, сака пак да биде тренер!

06 јануари 2026 - 16:42

Легендарниот Оле Гунар Солшер сака повторно да седне на кормилото на Манчестер Јунајтед, тој искажал интерес да биде привремен тренер до крајот на сезоната.

Информациите од Англија велат дека Солшер ја известил управата дека е подготвен да се врати во клубот и да ја преземе тренерската функција без разлика на должината на договорот.

Раководството засега само одлучи Дарен Флечер да биде тренерот додека не се донесе поинаква одлука.

Деновиве треба да биде донесена конечна одлука за привремен тренер кој би го водел тимот до крајот на сезоната. А планот е конечниот тренер да биде назначен по крајот на сезоната.