Снајдер ги споредува Мурињо и Инзаги: Ситуацијата не е иста!

31 мај 2025 - 13:05

Симоне Инзаги силно се поврзува со заминување во Саудиска Арабија, но Снајдер не верува дека италијанскиот стратег ќе го напушти Интер како што тоа го направи Мурињо кога ја освои Лигата на шампионите.

Во 2010 година, Жозе Мурињо му ја донесе тројната круна за Интер, а веднаш потоа замина во Реал Мадрид.

Снајдер не верува дека Инзаги ќе го направи истото, тој смета дека ситуацијата е различна.

„Не мислам дека ситуацијата е иста како таа на Жозе во 2010, не очекувам дека ќе се случи истата одлука“, вели Снајдер.

„Се надевам дека тој ќе остане бидејќи циклусот не е завршен, но треба да ги почитуваме изборите на индивидуалците, како што било претходно така е и сега“.

„Никогаш не знаеме што е во срцата и главите на луѓето, особено на тренер кој е под постојан притисок сите овие години. Интер сепак секогаш е поголем од било кој тренер“.

„Настрана од резултатот и што сака тој да прави во иднината, тој го донесе клубот назад на највисоката точка, таму каде се најдобрите клубови во светот. Не може да купите почит, но Симоне ја има почитта од цел фудбалски свет“.