Чудо во Мадрид: Валенсија го шокира Реал во 95. минута (ВИДЕО)

05 април 2025 - 18:22

Барселона има шанса да направи предност од шест бода во однос на Реал, на осум кола пред крајот на сезоната откако бранителот на титулата во Ла Лига денеска доживеа шокантен пораз на домашен терен од Валенсија со 1-2.

Моментот на одлука се случи во петтата минута од судиското продолжение кога Уго Дуро на асистенција на Рафа Мир го постави конечниот резултат и ги смрзна навивачите на домашниот тим. Претходно Диакаби ја доведе Валенсија во водство од 1-0, а Винисиус израмни на почетокот од второто полувреме. Покрај стрелците на головите, одличен беше голманот Мамардашвили кој оствари дури осум одбрани. Реал имаше среќа во полуфиналниот дуел со Сосиедад кога исто така играше очајно и загуби со 3-4, но по продолженија стигна до финалето, ама денеска остана со празни раце и тоа може скапо да го чини во борбата за шампионската титула.

 

 

Ако Барселона вечер го победи Бетис на домашен терен, ќе има +6 и на Реал ќе му требаат три порази на каталонскиот тим во последните осум кола за да ја одбрани титулата. Во 2025 година, Барселона се уште нема ниеден пораз, сметајќи ги сите натпреварувања.