Реал пак не искористи пенал против Валенсија (ВИДЕО)

Бразилскиот репрезентативец Винисиус Жуниор не успеа да реализира удар од белата точка во првото полувреме од дуелот против Валенсија.

„Кралевите“ добија пенал во 13. минута откако Килијан Мбапе беше соборен во шеснаесетникот. Винисиус ја зеде топката и шутираше, но неговиот удар го одбрани Мамардашвили. На првиот меѓусебен дуел на овие две екипи сезонава, Реал исто така не успеа да погоди, но тогаш шутираше Белингам и неговиот удар го одбрани Столе Димитриевски. Што се однесува до Винисиус, ова е негов втор пенал кој не успеа да го искористи откако утна и против Атлетико во Лигата на шампионите. По промашениот пенал, навивачите почнаа да го исвиркуваат Винисиус кој оваа сезона е далеку од ланската форма.

 

 

Неколку минути по пеналот на Винисиус, Валенсија дојде во водство со голот на Диакаби. Истиот играч подоцна си постигна и автогол, но неговиот погодок беше поништен поради офсајд од Мбапе.