Прв тренинг по трагедијата: „Виолетовите“ му оддадоа почит на капитенот Астори (ВИДЕО)
Пред да почнат со обврските на теренот сите фудбалери, заедно со стручниот штаб излегоа пред стадионот каде што се наоѓа огромниот транспарент „Чао капитену“. Тука граѓаните на Фиренца и навивачите на Фиорентина оставаат цвеќе, пораки, шалови и дресови во чест на Астори.
Во следното коло во Серија А, Фиорентина на домашен терен го пречекува тимот на Беневенто. Двете екипи ќе носат специјални дресови во чест на Давиде Астори, кој почина во неделата во сон од срцев удар.