Пресврт на Островот: Јунајтед извиси, Шешко пред трансфер во Њукасл

02 август 2025 - 08:16

Иако пред неколку дена британските медиуми најавија дека е договорен трансфер на Бенјамин Шешко од Лајпциг во Манчестер Јунајтед, за краток период дојде до огромен пресврт во ситуацијата со словенечкиот репрезентативец.

На сцена стапи Њукасл чие раководство понудило 90 милиони евра за робусниот напаѓач и сега освојувачот на ФА Купот е во пол позиција за неговиот потпис. Јунајтед премногу ги развлече преговорите, новата сезона е на прагот, а од друга страна станува јасно дека Њукасл е во дефицит од напаѓач затоа што е извесно дека Александер Исак ќе си замине и во моментов воопшто не тренира со екипата.

Словенецот треба да донесе нова енергија во екипата, има само 22 години, а веќе е докажан во Бундеслигата и Лигата на шампионите. Висок е, силен, технички поткован и со одлично чувство за гол, силен удар и гладен за големи успеси.

Ако се остварат најавите и трансферот биде реализиран, тој ќе биде најскап во историјата на Њукасл, во историјата на Лајпциг и се разбира во словенечкиот фудбал. Шешко и досега го држеше рекордот во својата татковина бидејќи Лајпциг пред две години му плати 24 милиони евра на својот братски клуб Салцбург. Најскапото засилување на Њукасл е Исак за кого беа платени 70 милиони евра, а најскапата продажба на Лајпциг е Јошко Гвардиол кој во Манчестер Сити замина за 90 милиони.