Њукасл сака да купи дури четири отпишани ѕвезди од Челси

16 август 2022 - 17:37

Англиски Њукасл е решен да купи дури четворица отпишани ѕвезди во лондонски Челси, со цел да направи уште посилен тим, кој почна да го гради зимоска откако саудиски ПИФ на принцот престолонаследнит Мохамед Бин Салман го купи клубот.

Раководството од „Сент Џејмс Парк“ веќе ги исконтактирале челниците на лондонските „сини“ околу достапноста на четири фудбалери, за кои веќе подолго време медиумите на Островот посочуваат дека Томас Тухел сака да ги откачи и не смета премногу на нив.

Станува збор за Кристијан Пулишиќ, Калум Хадсон-Одои, Конор Галагер и Армандо Броја.

Според последните информации, Њукасл е заинтересиран за сите четворица, а од Челси побарале информација за достапноста, но и замолница ако дефинитивно на „Стемфорд бриџ“ се решат да ги продаваат, да ги информираат црно-белите за тие да испратат понуда за нивен ангажман.

Инаку од Челси сака да си замине и мароканската ѕвезда Хаким Зијеш, за кого повеќе од еден месец се најавуваше можен трансфер во Милан, но од сето тоа засега не излезе ништо.

За Хадсон-Одои заинтересиран е и градскиот ривал на Челси, Арсенал.