Модриќ бил подготвен да се жртвува, но Перез не го прифатил предлогот

22 мај 2025 - 22:25

Хрватскиот фудбалер Лука Модриќ наскоро ќе се збогува со навивачите на Реал Мадрид, зашто треба да си замине од екипата поради планот на шпанскиот гигант да ангажира помлад плејмејкер.

Модриќ бил подготвен да се жртвува само за да остане во Реал Мадрид, односно сакал да прифати помала плата и да биде резерва во тимот, но претседателот Флорентино Перез сметал дека е подобро да купи нов фудбалер.

Средниот ред од следната сезона треба да го предводат Џуд Белингам, Федерико Валверде и уште едно засилување кое треба да пристигне во следниот период.

Фото: Facebook/Real Madrid C.F.