Ѓоковиќ му се одмазди на Арналди и се пласира во полуфинале во Женева

22 мај 2025 - 21:40

Српскиот тенисер Новак Ѓоковиќ славеше против Матео Арналди со 2-0 во сетови, односно 6-4 и 6-4 за пласман во полуфинале на турнирот во Женева, а притоа му се одмазди на Италијанецот за поразот на мастерсот во Мадрид.

Ѓоковиќ по голема борба го скрши отпорот на Арналди во првиот сет и направи брејк за 2-1, по кој сервираше без проблеми за 6-4.

Арналди заигра многу подобро во вториот сет и стигна до брејк за 3-1, но искусниот српски тенисер со два брејка по ред успеа да слави со 6-4.

Србинот во полуфинале ќе се бори против победникот од мечот меѓу Попирин и Нори.

Фото: EPA PHOTO