Милан има две опции за нов тренер - ќе бира меѓу Шпанец и Италијанец!?

21 мај 2025 - 16:26

Поранешниот европски и италијански шампион Милан има лоша сезона во Серија А, па поради тоа ќе си замине тренерот Сержо Консеисао, а веќе се шпекулира за неговиот наследник.

„Росонерите“ денеска го решија прашањето за спортски директор, а веднаш почнале шпекулациите за нов стратег и во потесниот избор се Чави Ернандез и Винченцо Италијано.

Италијано наводно ќе добие опција да остане во Болоња до 2028 година, па поради тоа Милан потешко ќе го убеди да се пресели на „Сан Сиро“, додека Чави е слободен и најави дека сака да се врати на работа.

Претходно се шпекулираше дека и Маурицио Сари е кандидат за кормилото на „росонерите“, меѓутоа потоа беше отфрлена таа опција.

Фото: Facebook/AC Milan